NGAMEN
Wis telung sasi Jindil nganggur. Saben ndino uring-uringan karo sing wedok mergo cadong belonjo kurang, ditambah anake si jeneng Ceplis angger melek mripate jaluk duit ngge tuku jajan. Saking judegke, Jindil budal ngamen macak badut neng lampu bangjo prapatan dalan gede.
Naliko lampu bangjone murup abang, Jindil mulai njoget barengan musik tape recorder sing dikalungne neng dodone. Naliko Jindil lagi njoget, weruh Paidi numpak montor lan mandek persis neng garis pembatas penyeberangan. Sak naliko Jindil nyedaki Paidi karo ngethongi gelas kosong aqua.
Jindil :
"Sak ikhlase…..Pak..!".
Paidi pas naliko kuwi lagi ndeleng hape kaget, mergo ono badut neng ngarepe. Paidi ngemati badut mulai soko nduwur nganti ngisor. Diemati nganti tekan sandale si badut.
Paidi :
"Kowe Jindil yo...?".
Jindil :
"Sanes pak...nyuwun sak ikhlase mawon".
Paidi :
"Halah...kowe Jindil. Ngaku ae…. Lha kuwi sandal sing mbok enggo podo persis karo sing neng omahmu".
Jindil :
"Sssssst....ojo banter-banter, wong-wong ngko eruh aku ki tonggomu ".
Paidi :
"Lha we ki ngopo macak badut barang ki...wong raimu wae wis lucu timbang badut kok…".
Jindil :
"Hahahahaha.....biayangane cepet tenan we ki. Ngipi opo aku dek bengi… kok iso pethuk uceng-uceng kompor neng lampu merah…".
000--000