GORO-GORO

*****  GORO-GORO *****

Dumadine goro-goro

Amergo soko polahing manungso

Tumindak dur angkoro

Ngebaki kareping karso

Sing bodo malah nglokro

Sing bener ora pener

Sing pinter malah keblinger

Sing salah malah kakeyan polah

Wejangane agomo

Amung ndadek’ake murang toto

Wejangane kitab suci

Amung di kiwani

Ujare pendito jarene kadaluarso

Ujare kyai jarene ora mbejaji

Ujare poro winasis jarene amung lamis

Ujare brahmono jarene mung gawe sengsoro

Polah tumindak sak karepe dewe

Krincing dinar mung kang dadi tujuane

Ora mikir kiwo-tengene

Kalal karom ora dipikirake

Sirepe wengi ora kanggo ngabekti ing Gusti

Nanging tumuju marang memedi

Kanggo masang guno desti

Amrih sirnone kang dimusuhi

Horeg bumi, njebluk gunung, segoro wutah

Pepelinge Gusti supoyo ora nggladrah

Eling mijil, duk rikolo semono amung mecicil

Kang tanpo busono lan tanpo bugo

Kang dumadi kersane Kang Moho Kuoso

            ((((((( ^_^)))))))